Røde Kors-huset
Treng du lokale til selskap, kurs eller møte?
Fasade
Bordsetnad
Kjøkken
Kjølerom
Toalett
Vi leiger gjerne ut lokala våre
I lokala kan ein dekke til om lag 32 personar. Kjøkkenet er godt utrusta og eignar seg både til selskap og kurs / møte.
Utstyr på kjøkkenet
- Induksjonskoketopp
- Steikeomn
- Pizzaomn
- Varmeskåp
- Hetteoppvaskmaskin
- Kjøledisk
- Kjølerom
- Kaffetraktar
- Frityrkokar
- Mikrobølgjeomn
Lokalet har to toalett, der det eine er HC-toalett. Trappefri tilgang (1. etasje).
Det heng hjartestartar ute på veggen. Ring alltid 113 ved mistanke om hjartestans.
Kontakt for utleige: Jorunn Norstein Eggum – mobil 911 88 389
Røde Kors-huset er utleigd desse datoane
|
|
|
|
|
|
|
|
|
|
|
Prisar, vilkår og husreglar for utleige
Takstar og vilkår for utleige av fest- og møtelokale i Røde Kors-huset
|
Leige til konfirmasjon, dåp, jubileum, fest og liknande
Tilgang kvelden før for pynting. Dagen etter til rydding/vask (innan kl. 15:00). Leigar vasker opp alt utstyr, vasker golv-/diske-/bordflater og toalett. Rydd ute. Alt bos skal fjernast av leigetakar. |
Kr 2 500 |
|
Ekstra leige for Midtrommet
|
Kr 1 000 |
|
Vask
Utleigar kan, etter avtale, tilby vask av golvflater og toalett. |
Kr 800 |
|
Dagsmøte – bedrifter 08:00–17:00 (inkl. vask)
|
Kr 2 000 |
|
Dagsmøte – private, lag og organisasjonar 08:00–17:00
|
Kr 1 000 |
|
Korte kveldsmøte 18:00–23:00
|
Kr 500 |
- Medlemer i Leikanger Røde Kors får 50 % avslag på sjølve leigeprisen.
- Leigeavtalen gjeld for kantinelokale, kjøkken m/utstyr, inngang og toalett.
- Leigar har ikkje tilgang til andre delar av Røde Kors sine lokale.
-
Avbestilling av stadfesta leige:
- ½ leige ved avbestilling mindre enn 3 veker før dato.
- Full leige ved avbestilling mindre enn 1 veke før dato.
- Dersom Midtrommet er med i leigeavtalen, kan dette nyttast.
- Takstane er vedtekne på årsmøte i 2020 og sist revidert i 2026. Styret kan revidere takstane.
Husreglar for Røde Kors-huset på Hanahaug i Leikanger
Vedtekne på årsmøte 2020 og sist revidert i 2026. Styret kan revidere vedtektene.
Areal
Leigeavtalen gjeld for forsamlingsrom/kjøkken, gang og tilhøyrande toalett. Etter særskilt avtale kan den og gjelde Midtrommet.
Alder
Ansvarleg leigetakar må vere fylt 25 år.
Nøklar og låsing
Leigetakar får utlevert nøkkel/brikke til leigearealet. Når leigeperiode er ute, skal nøkkel leverast attende til utleigar same dag, i fylgje det som er avtalt. Dersom nøkkel ikkje vert levert tilbake, må leigetakar betala kr. 2500,-. Alle dørar må vere låste når leigetakar ikkje er til stades i leigearealet.
Kjøkken og utstyr
Kjøkken og kjølerom er til fri bruk. Instruks for oppvaskmaskin heng på veggen ved sida av maskina. Instruksar for anna utstyr ligg i hylla ved kjølerommet. Skade på utstyr/maskiner grunna feil bruk, må leigetakar erstatta. I ulike skåp vil ein finne servise, bestikk, glas, div. dekketøy ol. Etter oppvask skal alt settast attende der det vart teke ut. Om noko blir øydelagt av anna årsak enn grunna normal slitasje, skal leigetakar erstatte dette. Det er lager av ekstra toalett- og tørkepapir, moppar og anna vaskeutstyr i boden ved sida av toaletta. Der er og støvsugar. Handdukar og klutar til kjøkkenet må leigetakar halde sjølv. Bord og stolar kan ein plassere slik ein måtte ynskje. Dersom det trengs, kan leigar få låne fleire bord og stolar, i tillegg til det som er standard i lokalet. Dette må avtalast på førehand. Bord og stolar skal settast attende slik det sto før leigeperioden.
Sikringsskåp
Sikringsskåpet er plassert i Midtrommet. Berre ansvarleg leigar kan gå inn og slå på sikring.
Anna utstyr
Dersom noko av Røde Kors sitt utstyr blir skada eller blir borte i leigeperioden, er leigetakaren erstatningspliktig, uavhengig av kven som er gjerningsperson.
Internett
Trådlaust nett er tilgjengeleg.
Røyking
Det er ikkje lovleg å røyke i lokalet. Vert det røykt ute, må leigetakar sjå til at det ikkje ligg att sneipar eller anna bos ute. Dersom det vert røykt inne, vert leigar belasta for reinsing av lokalet.
Rydding, reinhald og skade
Lokale med inventar skal leverast attende til utleigar i same stand som då leigeavtalen tok til. Leigetakar er ansvarleg for rydding og vask dersom ikkje anna er avtalt på førehand, jf. oversynet over takstar for leige. Dette gjeld forsamlingslokale, kjøkken, toalett, gangareal og for uteområde. Leigetakar skal samle saman og ta med alt bos dersom ikkje anna er avtalt på førehand. Etter vask samlar ein moppane i ei bøtte og set inn i boden saman med resten av vaskeutstyret. Er Midtrommet brukt, skal det støvsugast.
Ulempegebyr
Dersom leigar ikkje etterlever vilkåra i leigeavtalen, skal leigar betale eit ulempegebyr på minimum kr. 1000,- for utleigar sitt ekstraarbeid. Dette kjem i tillegg til leigesummen og andre kostnader. Leigetakar belastast ½ leigesum ved avbestilling seinare enn tre veker til leigedato. Det vert belasta full leigesum om leigetakar avbestiller seinare enn ei veke før leigedato.