Om Røde Kors Omsorg
Oppgåver til Leikanger Røde Kors Omsorg
Sjukeheimen
- Bingo kvar torsdag – kaffi frå klokka 10:30 og bingo frå klokka 11:00 – 12:30.
- Songstund kvar tysdag – kaffi frå klokka 16:30 og songstund frå klokka 17:00 – 18:00. Vi har skyssordning og hentar folk rundt i bygda.
- Lesestund annakvar onsdag med bebuarar på sjukeheimen.
- Fredagskaffi annakvar fredag frå klokka 11:00 – 12:30 for bebuarar og dagsenteret.
- Tur med rullestol kvar måndag og torsdag for bebuarar på sjukeheimen og i omsorgsbustadane.
Våketeneste
Føremålet med Vaketeneste er å tilby medmenneskeleg nærvær til døyande menneske. Enten til menneske som ikkje har pårørande eller som avlastning og støtte for pårørande.
Tenesta kan verte utført på institusjon eller i privat heim. Det er kommunen som er ansvarleg, vi vert berre kontakta ved behov.
Språkkafé
Ein uformell samlingsstad i samarbeid med Leikanger Frivilligsentral, der føremålet er å praktisere norsk saman med framandspråklege.
Sogndal Mottakssenter, Hero Norge på Knausen
Vi har tilbod for barnehageborn ein gong per veke.
Andre oppgåver der vi stiller opp
- Kjeringi Open
- Stand på Fruktbare dagar
- Til topps og Ferie for alle, arrangert av Røde Kors Sogn og Fjordane
Bli med i Røde Kors Omsorg
I dag har vi 70 aktive medlemmer i Røde Kors Omsorg som gjer ein flott innsats for fellesskapet. Vi ynskjer oss fleire medlemmer.
Ynskjer du å gjere ein forskjell for andre, så nøl ikkje med å ta kontakt med leiar Sunni Ese. Vi kan love deg mange meiningsfulle møte med personar som treng deg.