ATV-ane våre er klare for vinterføre

Av John Petter Svedal Publisert 05.12.2025

Vi har no lagt på nye kjettingar på ATV-ane våre. Med betre grep og auka tryggleik er vi klare for å rykke ut på vinterglatte vegar og stiar – slik at vi kan nå fram til dei som treng hjelp.

ATV-ane våre er klare for vinterføre med nye kjettingar – god framkomelegheit er viktig når vi skal nå fram til dei som treng hjelp.
ATV-ane våre er klare for vinterføre med nye kjettingar – god framkomelegheit er viktig når vi skal nå fram til dei som treng hjelp.
Vinteren er for alvor komen til Leikanger, og med snø, is og skiftande føre er god beredskap viktig. I dag har vi gjort ein viktig del av vinterførebuingane: ATV-ane våre er no skodde med nye kjettingar. Kjettingane gir betre framkomelegheit i bratt og krevjande terreng, og sikrar at vi kan ta oss fram raskt og trygt ved redningsoppdrag. Dette gjeld både vår vanlege 4-hjuling og 6-hjulingen med båre for pasienttransport. Sistnemnde er eit viktig verktøy når vi skal hente ut personar som treng hjelp i område der det ikkje kjem fram ambulansar eller annan transport. Sjølv om vinteraktivitetane enno ikkje er i full gang i fjellet, er mange av dalføra rundt oss allereie prega av glatte parti der uhell kan skje. Med oppgradert utstyr står vi klare til å rykke ut når behovet oppstår. Vi minner alle om å vere varsame når de ferdast ute: • Bruk godt fottøy • Ta det roleg på glatte parti • Vurder forholda før du legg ut på tur Vi ønskjer alle ein trygg og god vinter – og hugs at vi er her om uhellet skulle vere ute.