Testa Starlink og nødnett i Huksdalen

I skåphengaren i Huksdalen fekk vi etablert samband med både Starlink og Nødnett – ei nyttig testing i område med dårleg mobildekning.

I samarbeid med Statsforvaltaren i Vestland testa vi ut samband i eit område med svært dårleg mobildekning.

20.08.2025 John Petter Svedal

I kveld har vi saman med Statsforvaltaren i Vestland testa ut Starlink i Huksdalen – eit område med svært dårleg mobildekning. Vi rigga oss til i skåphengaren, og etter kort tid var vi på nett med både mobil og PC. Vi ringde like godt fylkesberedskapssjefen på Teams for å sjekke at alt fungerte. Inne hadde vi det varmt og komfortabelt med vifteomn, forsynt av straumaggregatet – og sjølvsagt kaffi i koppen. Vi sette òg opp feltmast for Nødnett, med gateway/repeater for å sikre samband i området. Det blei ein svært nyttig kveld, med mange gode samtalar om beredskap og samarbeid.