Øving i Fatlatunnelen

Scenarioet for øvinga var at to bilar og ein buss hadde kollidert inne i Fatlatunnelen. Det oppstod brann, og fleire personar var skadde. I tillegg til Statens vegvesen deltok mellom anna brann, politi, helse, Sivilforsvaret, Røde Kors, Redningsselskapet og fleire andre aktørar. Slike øvingar er viktige for å styrke beredskapen og sikre at dei ulike aktørane får trene saman i realistiske omgjevnader. For oss i Røde Kors Hjelpekorps er det verdifullt å få delta på denne typen øvingar. Det er spesielt nyttig å få samarbeide med dei andre naudetatane og beredskapsaktørane. Dette vart ei god og lærerik øving, der vi fekk trene på samhandling, kommunikasjon og samvirke i praksis. Takk til alle som deltok og bidrog til ei nyttig øving.